Թեհրանը ծրագրում է մոտակա օրերին նամակներ ուղարկել ՄԱԿ-ի Անվտանգության խորհրդի անդամ երկրներին: Այդ մասին, APA-ի մատուցմամբ, հայտարարել է Իրանի ԱԳ նախարարության պաշտոնական ներկայացուցիչ Ռամին Մեհմանպարաստը: Նամակում, որը պատրաստված է Իրանի արտգործնախարար Մանուչեհր Մեթաքքիի անունից, քննադատության է ենթարկվում ՄԱԿ-ի ԱԽ կողմից Իրանի դեմ նոր պատժամիջոցներ նախատեսող բանաձեւը:
Հիշեցնենք, որ հունիսի 9-ին ՄԱԿ-ի ԱԽ-ում անդամ երկրները, բացառությամբ Թուրքիայի, Բրազիլիայի եւ Լիբիայի, կողմ էին քվեարկել Թեհրանի դեմ նոր պատժամիջոցներ իրականացնելու վերաբերյալ բանաձեւին:
