Երեկ Հայաստանի երիտասարդական հիմնադրամում կայացավ ասուլիս՝ նվիրված ՀՀ պետական խորհրդանշանների օրվա առթիվ անցկացվող տոնական քայլերթին։ Տոնական քայլերթը կանցկացվի հունիսի 15-ին՝ ՀՀ վարչապետ Տիգրան Սարգսյանի բարձր հովանու ներքո։
Տոնական քայլերթը կազմակերպվում է «Մենք» ազգային արժեքների պահպանման հիմնադրամի նախաձեռնությամբ եւ Հայաստանի երիտասարդական հիմնադրամի աջակցությամբ։
Քայլերթը կմեկնարկի հունիսի 15-ին, ժամը 20-ին, Հանրապետության հրապարակից։ Ակնկալվում է, որ ամբողջ քայլերթին կընդգրկվի շուրջ 5000 մասնակից։ Մասնակիցները կանցնեն Նալբանդյան եւ Սայաթ-Նովայի փողոցներով, Ֆրանսիայի հրապարակով, Մաշտոցի պողոտայով, Ամիրյան փողոցով եւ դարձյալ կվերադառնան Հանրապետության հրապարակ։
Տոնին մասնակցելու են հիմնականում դպրոցականներ, ուսանողներ եւ առհասարակ երիտասարդները: