Ինչպես տեղեկացրել էր «Առավոտը», Նոր Նորքի եւ Ավանի ոստիկանության աշխատակիցները «Զվարթնոց» օդանավակայանից Հայաստանը լքելու պահին ձերբակալել էին ԱԺ պատգամավոր Ռուբեն Հայրապետյանի քրոջ որդուն՝ Բորիս Ասատրյանին, ով կասկածվում էր դանակահարություն կատարելու մեջ։ Երեկ Նոր Նորքի քննչական բաժնի քննիչը միջնորդել էր Ավան-Նոր Նորք վարչական շրջանների ընդհանուր իրավասության դատարանին, որպեսզի երկամսյա կալանք կիրառվի Բ. Ասատրյանի նկատմամբ։ Դատավոր Արմեն Վարդապետյանը բավարարեց միջնորդությունը, եւ Բ. Ասատրյանը տեղափոխվեց «Նուբարաշեն» ՔԿՀ։
