ԱՄՆ դեղամիջոցների ու մթերքի կառավարման վարչությունը հաստատել է սարսափազդու պատկերների վերջնական ցուցակը՝ ծխախոտատուփերի ձեւավորման համար: Նշվում է, որ նմանօրինակ պատկերների օգտագործումը կդառնա զգուշացման առաջին փոփոխությունը 25 տարվա ընթացքում եւ «զգալի առաջընթաց կհանդիսանա ծխելու վնասակարության մասին տեղեկացնելու գործում»:
Ավելի վաղ ԱՄՆ դեղամիջոցների ու մթերքի կառավարման վարչությունը մշակել էր գրաֆիկական զգուշացումների ավելի քան 36 տարբերակ: Դրանք ներկայացնում էին ծխելու վնասակար հետեւանքները:
Վերլուծելով հասարակության ավելի քան 1.7 մլն կարծիքների գիտական գրականությունն ու 18 հազար ամերիկացիների հարցումը՝ 36 պատկերից ընտրվեց իննը: Դրանք հաստատվեցին ԱՄՆ դեղամիջոցների ու մթերքի կառավարման վարչության կողմից եւ ծխախոտի վաճառքի կետերում կհայտնվեն ոչ ուշ, քան 2012թ.:
Պահպանակները բավարարում են ԵՄ պահանջները
Եվրոպական ղեկավար մարմինները հաստատել են այն պահպանակների վաճառքը, որոնք բարձրացնում են պոտենցիան:
Ինչպես գրում է «Fox News»-ը, «Futura Medical PLC» ընկերությունը Եվրամիության պահանջներին համապատասխանող վկայական է ստացել, որը հաստատում է սպառողների եւ շրջակա միջավայրի համար «CSD500» պահպանակների անվտանգությունը: Վկայականը իրավունք է տալիս պահպանակաները վաճառել ԵՄ 27 երկրներում, ինչպես նաեւ մի շարք երկրներում, որոնք Եվրամիության շարքում չեն:
«CSD500» պահպանակները մշակվում են նիտրոգլիցերին գելով, որն արյունատար անոթների լայնացման գործառույթ ունի: Նշենք, որ ի տարբերություն վիագրայի՝ պահպանակները նախատեսված չեն բուժելու պոտենցիայի հետ կապված խնդիրները: