Ինչպես արդեն տեղեկացրել ենք, մի քանի ժամ առաջ՝ դեկտեմբերի 12-ին, երեկոյան ժամը 19:00-ի սահմաններում, խոշոր ավտովթար է տեղի ունեցել Գեղարքունիքի մարզում: Ֆոտոլրագրող Գագիկ Շամշյանը վթարի վայրից արդեն հայտնել էր որոշ տեղեկություններ: Այժմ նա ճշտել է որոշ մանրամասներ:
Այսպես, վթարը տեղի է ունեցել Վարդենիս-Ճամբարակ ավտոճանապարհի 25-րդ կիլոմետրի հատվածում, Վարդենիս քաղաքից դեպի Ճամբարակ տանող ուղեմասում. 1961 թ. ծնված Քաջիկ Խաչատրյանը, վարելով Գազ-31029 մակնիշի 35 ԼՏ 710 համարանիշի ավտոմեքենան, բախվել է 1988 թ. ծնված, Գեղարքունիքի մարզի Փամբակ գյուղի բնակիչ Մհեր Դաշյանի կողմից վարած Վազ 21013 մակնիշի 35 ԼԼ 307 համարանիշի ավտոմեքենային:
Բախման հետևանքով վարորդ Մհեր Դաշյանը, և ավտոմեքենայի ուղևորներ՝ 1989 ծնված Արթուր Դաշյանը, Սուսաննա Ղուկասյանն ու Անդրանիկ Վանոյանը, մահացել են: Իսկ Գազ-31029-ի վարորդ Քաջիկ Խաչատրյանը մարմնական վնասվածքներով տեղափոխվել է Վարդենիսի կայազորային զինվորական հոսպիտալ:
Կարդացեք նաև
Փաստի առթիվ ոստիկանության ՔԳՎ Գեղարքունիքի մարզի քննչական բաժնում հարուցվել է քրեական գործ` ՀՀ քրեական օրենսգրքի 242 հոդվածի, 3-րդ մասի հատկանիշներով:
Լուսանկարները եւ տեսանյութը` Գագիկ Շամշյանի
