ԱԺ նախկին պատգամավոր, «Ժառանգություն» կուսակցության վարչության փոխնախագահ Ռուբիկ Հակոբյանը ժամանակին կարկառուն դաշնակցական էր: Նա մշտապես ՀՅԴ հայաստանյան կառույցի ղեկավար մարմնում կարեւոր պաշտոններ է զբաղեցրել, նաեւ հայկական դիվանագիտական կորպուսում է աշխատել` Սանկտ-Պետերբուրգում ՀՀ գլխավոր հյուպատոսն էր մի տեւական ժամանակ: 2008-ի վերջերին` ավարտելով դիվանագիտական առաքելությունը, պարոն Հակոբյանը վերադարձավ Հայաստան եւ հրապարակային հայտարարություններ արեց` կուսակցական ընկերների հետ անհամաձայնությունների մասին: Արդյունքում, պարոն Հակոբյանը հեռացավ ՀՅԴ-ից: Այդ օրերին նույնիսկ տեղեկություններ տարածվեցին, որ եթե նա ինքնակամ չհեռանար, դաշնակցական վերնախավը պատրաստվում էր Հակոբյանին հեռացնել կուսակցությունից:
Այժմ, Ռուբիկ Հակոբյանը Րաֆֆի Հովհաննիսյանի տեղակալն է: Ստացվել է այնպես, որ «Ժառանգությունը» եւ ՀՅԴ-ն համատեղ գործունեություն փուլում են: Դեռ անցյալ տարվանից ԱԺ «Ժառանգություն» եւ ՀՅԴ խմբակցությունները համատեղ փոփոխություններ մշակեցին եւ ներկայացրեցին խորհրդարանական մեծամասնության դատին, այժմ համատեղ պայքարում են, որ այս տարվա ԱԺ ընտրությունը 100 տոկոսանոց համամասնական ընտրակարգով լինի: Խոստանում են նաեւ պայքարել ազատ եւ արդար ընտրություններ անցկացնելու համար:
Պարոն Հակոբյանից Aravot.am հետաքրքրվեց` խնդիրներ չի՞ ունենում իր նախկին կուսակից ընկերների հետ այժմ նույն սեղանի շուրջ նստելուց: Մեր զրուցակիցը նկատեց, որ Դաշնակցության հետ իր բանավեճը եղել է զուտ քաղաքական.«Եթե հիշում եք, խոսքը կոալիցիայի մաս կազմել-չկազմելու մասին էր»: Ռուբիկ Հակոբյանի այլ մեկնաբանությունները` տեսանյութում:
Կարդացեք նաև
Նելլի Գրիգորյան
Ռուբիկ Հակոբյան, ՀՅԴ, Ժառանգու
