ՕԵԿ-ն ընտրվելու դեպքում խոստանում է խելք ունեցող, բայց փող չունեցող պոտենցիալ ձեռներեցների համար ստեղծել պետական երաշխիքների հիմնադրամ: Այդ հիմնադրամը պետք է երաշխիք տա բանկերին, վերջիններս էլ` փող, որ շարքային քաղաքացին էլ կարողանա բիզնես ստեղծել:
Aravot.am-ի հետ զրույցում ՕԵԿ առաջնորդ Արթուր Բաղդասարյանը մեր հարցին` եթե գործերը ձախ գնան, բիզնեսը տապալվի, այդ դեպքում պետությո՞ւնը պետք է վճարի բանկի գումարը` նա պատասխանեց, որ ոչ. «Պետությունը պետք է հետեւի, օգնի, աջակցի, որ այդ բիզնեսը կայանա: Դրա համար կարող է լինել 1000 հայտ, եւ այդ 1000 հայտից բավարարվի 100-200-ը: Այսօր բազմաթիվ երկրներ այդ փորձը կիրառում են եւ շատ արդյունավետ: Բա հիմա եթե դուք փող չունեք, ո՞նց բիզնես ստեղծեք, ի՞նչ անեք, ուրեմն դուք մարդ չե՞ք: Պետությունը պետք է վերահսկի ողջ գործընթացը: Տվեց երաշխիքային նամակը, պետք է հետեւի, մասնագետը պետք է ուսումնասիրի այդ ամբողջը»:
Մենք նաեւ ճշտեցինք` խտրականություն չի՞ դրվելու` ով է հայտ ներկայացնողը` պարոն Բաղդասարյանը պատասխանեց. «Իհարկե ոչ, թափանցիկ, բաց մրցութային կարգով է լինելու»:
Հռիփսիմե ՋԵԲԵՋՅԱՆ
Կարդացեք նաև
