«Տոտենհեմի» եւ ֆուտբոլի Անգլիայի ազգային հավաքականի հարձակվող Ջերմեյն Դեֆոն անձնական կյանքը հարվածի տակ է դրել:
Փոփ երգչուհի Ալեքսանդրա Բուրքը, որ նրա ընկերուհին է, արդեն երկրորդ անգամ ֆուտբոլիստին բռնացրել է սիրուհու անկողնում: Եթե երգչուհին առաջին անգամ ներել էր Դեֆոյի դավաճանությունը 23-ամյա մոդել Լաուրա Բրաունի հետ, մեկ ամսվա ընթացքում երկրորդ անգամ նույնն անել չի պատրաստվում եւ մտադիր է հայտարարել Ջերմեյնի հետ կապերը խզելու մասին:
Այս պատմության մեջ ամենահետաքրքրականն այն է, որ ֆուտբոլիստի երկրորդ սիրուհին՝ բուժքույր Քրիստի Քրամին, որի հետ նա բռնվել է անկողնում, թմփլիկ մարմնով չի կարող համեմատվել ցանկացած մոդելի հետ եւ այս պատմությունը ոչ մի կերպ չի տեղավորվում ընդունված տրամաբանության շրջանակների մեջ:
Աշոտ ՀԱԿՈԲՅԱՆ
