Նիկոլ Փաշինյանը եւս մեկ անգամ նշեց ՀԱԿ-ի դիրքորոշումը, որ հոկտեմբերի 27-ի կազմակերպիչների մասով քրեական գործը կարճվել է օրենքի խախտումներով. «Այդ առումով կարծում ենք, որ կազմակերպիչների մասով պատշաճ քննություն չի իրականացվել, ավելին` կարծում ենք, որ կազմակերպիչները բացահայտված չեն»:
Պարոն Փաշինյանը հիշեցրեց, որ 1999թ. հոկտեմբերի 27-ին ազգային անվտանգության ծառայության պետը Սերժ Սարգսյանն էր. «Վարչապետի, խորհրդարանի անվտանգությունն ապահովելը եղել է Սերժ Սարգսյանի ուղղակի պարտականությունը: Ռոբերտ Քոչարյանը եղել է իբր երկրի գլուխը, Բաղրամյան 26-ում է աշխատելիս եղել, եւ, այո, նրա պաշտոնեական պարտականությունների մեջ էր մտնում պետության սահմանադրական կարգի երաշխավորությունը: Սրանով շատ բան ասված է, սակայն ոչ ամեն ինչ է ասված: Իսկ թե էլ ինչ կա ասելու, դա ցույց կտա հոկտեմբերի 27-ի գործով օբյեկտիվ նախաքննությունը, որը, ես համոզված եմ, երբեւէ կշարունակվի»:
Մանրամասն՝ կարդացեք այստեղ
