ԱՄՆ-ի բանակի նախկին ավագ սերժանտ Ռոբերտ Բեյլզը ներկայացրել է 16 մարդու կանխամտածված սպանության մեջ մեղավոր լինելու մասին հայտարարություն
Աֆղանստանում անցյալ տարի 16 մարդու կանխամտածված սպանություն կատարելու մեջ մեղադրվող ԱՄՆ-ի զինծառայողն իրեն մեղավոր է ճանաչել՝ մահապատժից խուսափելու համար:
ԱՄՆ-ի արևմտյան Վաշինգտոն նահանգում ռազմական տրիբունալի կայացած նիստի ընթացքում ԱՄՆ-ի բանակի նախկին ավագ սերժանտ Ռոբերտ Բեյլզը ներկայացրել է 16 մարդու կանխամտածված սպանության մեջ մեղավոր լինելու մասին հայտարարություն: Դատավորը փոքր-ինչ անց ընդունել է մեղադրյալին մեղավոր ճանաչելու մասին գործարքը:
Սպասվում է, որ Բեյլի դատավճիռը կկայացվի այս տարվա օգոստոսի ամսին, որի ընթացքում պարզ կդառնա, արդյոք նրան կտրվի երբևէ ներում շնորհված լինելու հնարավորություն:
Կարդացեք նաև
ԱՄՆ-ի բանակի նախկին ավագ սերժանտին անցյալ տարվա մարտին ներկայացվել էին Աֆղանստանի հարավում ԱՄՆ-ի ռազմակայանի մոտակայքում գտնվող երկու գյուղերի բնակիչների ուղղությամբ հարձակում կատարվելու մեղադրանքներ: Սերժանտի հարձակման զոհ էին հիմնականում գնացել կանայք և երեխաներ: Քննիչները պնդում են, որ որոշ դիակներ այրված էին եղել:
Քննիչների համաձայն, Բեյլը հարձակումը գործել էր՝ վրեժխնդիր լինելով վերջինիս ծառայակցին լուրջ վնասվածքներ հասցրած ռմբակոծության համար:
Նախկին ավագ սերժանտի դատապաշտպանները սակայն նշում են, որ սպանությունները կատարելու ժամանակ Բեյլն արդեն չորրորդ անգամ էր Աֆղանստանում՝ մարտական առաջադրանքով, և տառապում էր հետտրավմատիկ սթրեսային խանգարումներից և գլխին հասցրած ծանր հարվածի հետևանքներից:
Արմեն Հովհաննիսյան
«Ամերիկայի Ձայն»
