«Հենակետ». Ռուսաստանը պատրաստվում է զգալիորեն մեծացնել անօդաչու թռչող սարքերի արտադրությունը Թաթարստանում գործող գործարանում՝ հայտնում է Politico-ն։
Պարբերականի տվյալներով՝ նոր արտադրական համալիրի գործարկումը թույլ կտա մինչև 2029 թվականը «Գերան» տիպի կամիկաձե ԱԹՍ-ների արտադրությունն ավելացնել գրեթե 80%-ով։
Ներկայում գործարանը տարեկան արտադրում է մոտ 36 հազար ԱԹՍ, իսկ նախատեսվող ընդլայնումից հետո արտադրությունը կարող է ավելանալ ևս շուրջ 28 հազարով՝ հասնելով տարեկան մոտ 64 հազարի։
