Ադրբեջանում ԱՄՆ դեսպան Ռիչարդ Մորնինգսթարը հարցազրույց է տվել «Ազատություն» ռադիոկայանի ադրբեջանական ծառայությանը: Ինչպես տեղեկացնում է կայքը, այդ հարցազրույցում դեսպանն անդրադարձել է Իլհամ Ալիեւին ուղարկված ԱՄՆ նախագահ Բարաք Օբամայի նամակին, Ադրբեջանի ներքաղաքական կյանքին, Սերժ Սարգսյանի եւ Իլհամ Ալիեւի Վիեննայի հանդիպումից ակնկալիքներին եւ այլն:
Ռադիոկայանի թղթակիցը նաեւ հարցրել է.
– Նախագահական ընտրություններից հետո Ադրբեջանի նախագահի աշխատակազմի ղեկավարը հայտարարել է, որ մինչ ընտրությունները պայմանավորվել է ձեր հետ: Իսկ դեսպանատունը հերքել է այդ հայտարարությունը: Ձեր կարծիքով, ո՞րն է նման հայտարարությունների տարածման նպատակը:
– Կարծում եմ, որ այդ հարցը պետք է հասցեագրել պարոն Մեհթեւին (Ռամիզ Մեհթիեւը Ադրբեջանի նախագահի աշխատակազմի ղեկավարն է, ծանոթ. Ո. Ս): Կյանքում ես շատ գործերով եմ զբաղվում, սակայն չեմ կարող կարդալ մարդկանց մտքերը: Եվ հիմա վերստին ուզում եմ ասվածը կրկնել՝ Մեհթիեւի հայտարարությունը բացարձակ կեղծ է,-ասել է դեսպան Մորնինգսթարը:
Կարդացեք նաև
Ոսկան ՍԱՐԳՍՅԱՆ
