Դեսպան Գրիգոր Տեր-Հակոբյանը Սպիտակ տանը կայացած պաշտոնական արարողության ժամանակ իր հավատարմագրերն է հանձնել ԱՄՆ նախագահ Դոնալդ Թրամփին՝ որպես Իրաքի Հանրապետության արտակարգ և լիազոր դեսպան Միացյալ Նահանգներում։
Իրաքի Հանրապետության դեսպանատունը Միացյալ Նահանգներում Իրաքի լրատվական գործակալությանը (INA) փոխանցած հայտարարության մեջ նշել է, որ «Իրաքի Հանրապետության դեսպան Միացյալ Նահանգներում Գրիգոր Տեր-Հակոբյանը հավատարմագրերն է հանձնել ԱՄՆ նախագահ Դոնալդ Թրամփին՝ որպես Իրաքի Հանրապետության արտակարգ և լիազոր դեսպան Միացյալ Նահանգներում՝ Սպիտակ տանը կայացած պաշտոնական արարողության ժամանակ»։
Դեսպանատունը հավելել է, որ «դեսպանը փոխանցել է Իրաքի կառավարության ողջույնները»՝ ընդգծելով «Միացյալ Նահանգներում դեսպան նշանակվելու իր հպարտությունը»։
Հայտարարության մեջ նշվում է նաև, որ «նրա առաքելության առաջնահերթությունները կկենտրոնանան վարչապետի՝ Միացյալ Նահանգներ կատարած այցի արդյունքների իրագործման ընթացքին հետևելու, իրաքա-ամերիկյան հարաբերություններում նոր դարաշրջան սկսելու, ռազմավարական կապերի խորացման, ինչպես նաև քաղաքական, տնտեսական, ներդրումային և անվտանգության ոլորտներում համագործակցության ընդլայնման ուղղությամբ աշխատանքների վրա՝ այնպես, որ ամրապնդվի Իրաքի տարածաշրջանային դերակատարությունը և ծառայեցվի երկու երկրների ու ժողովուրդների ընդհանուր շահերին»։
Կարդացեք նաև
Հայերը Սուրիոյ Մէջ Facebook-յան էջն այս առնչությամբ գրում է, որ Գրիգոր Տէր Յակոբեան առաջին հայն է ու քրիստոնեան, որ դիւանագիտօրէն պիտի ներկայացնէ Իրաքը Ուաշինկթընի մէջ։
