Այսօր Ազգային անվտանգության խորհրդի քարտուղար Արթուր Բաղդասարյանն ընդունել է Եվրոպական ներդրումային բանկի պատվիրակությանը` վարկավորման բաժնի ղեկավար Ֆիլիպ Սիմչակի գլխավորությամբ:
Հանդիպման ընթացքում Արթուր Բաղդասարյանը նշել է, որ Հայաստանը Եվրոպական ներդրումային բանկի հետ արդեն ունի համագործակցության պատմություն և փորձ` մատնանշելով ՀՀ Բագրատաշեն, Գոգավան և Բավրա` հյուսիսային երեք անցակետերի արդիականացման ծրագիրը: Եվրոպական ներդրումային բանկը հանդիսանում է այս համապարփակ ծրագրի համաֆինանսավորողը:
Արթուր Բաղդասարյանը ընդգծել է, որ Եվրոպական ներդրումային բանկի կողմից Հայաստանում ֆինանսավորվող ծրագրերը կարևոր նշանակություն ունեն Հայաստանի տնտեսության զարգացման համար:
Ֆիլիպ Սիմչակը նշել է, որ Եվրոպական ներդրումային բանկը ներկայումս, համաձայն ԵՆԲ 2014-2020թթ. ֆինանսական ռազմավարության, ձեռնամուխ է եղել ԵՄ Արևելյան գործընկերության երկրների ռազմավարական կարիքների վերլուծությանը և ֆինանսավորում է իրականացնելու կրթության, գիտության, առողջապահության, ենթակառուցվածքների արդիականացման, էներգետիկայի, ՓՄՁ-ների և մի շարք այլ ոլորտներում:
Կարդացեք նաև
Կողմերը պայմանավորվել են առաջիկայում քննարկել Եվրոպական ներդրումային բանկի կողմից Հայաստանի համար գերակա ծրագրերի ֆինանսավորման հարցեր:
Ազգային անվտանգության խորհուրդ
