Հատված ԱԺ ՀՀԿ խմբակցության ղեկավար Վահրամ Բաղդասարյանի հարցազրույցից:
– Պարոն Բաղդասարյան, «եռյակը» հոկտեմբերի 10-ին հանրահավաք է անելու, ինչպե՞ս եք վերաբերվում դրան եւ ի՞նչ եք սպասում այդ հանրահավաքից։
– Նորմալ, վատ սպասելիք չունեմ, մարդիկ իրենց ասելիքը ԱԺ-ում չեն
ասում, ուզում են փողոցում ասել։
– Իսկ ինչո՞ւ ԱԺ-ում չեն ասում։
Կարդացեք նաև
– Դե, պարզ չի՞, մարդիկ նպատակ ունեն շոուի վերածել ինչ-որ բաներ,
նորմալ է, հանրահավաքը եթե կանոնակարգված կլինի, ես հանրահավաքներին վատ չեմ վերաբերվում, անկախ նրանից, թե ով է կազմակերպում։ Սահմանադրական բարեփոխումների համար իրենք մի քանի կետեր ունեն, մենք ԱԺ-ում հնարավորություն ենք տվել քննարկելու, իսկ քաղաքական համար մեկ ամբիոնը ԱԺ-ն է, ոչ թե փողոցը։
– Կարո՞ղ է այս ամենը վերածվել թեժ աշնան։
– Ի՞նչ է նշանակում թեժ աշուն։ Աշունը սկսվել է, մեզ համար բավականին
թեժ է, որովհետեւ մենք շատ ակտիվ քննարկումներ ենք անում ՀՀԿ-ում, մեզ
համար թեժ է, իրենց թեժությունը չգիտեմ ինչումն է կայանում։ Անկարգություննե՞րն են թեժությունը, չգիտեմ, նայած ինչ նկատի ունեն թեժ ասելով։
– Իսկ եթե հանրահավաքների շա՞րք անեն։ Կամ էլ կառավարության
հրաժարականը պահանջեն կամ Սերժ Սարգսյանի հրաժարականը։
– Ի՞նչ պետք է անեն, անընդհատ ձանձրացնե՞ն նույն խոսակցություններով, նույն հարցադրումներո՞վ։ Կառավարության հրաժարականի հիմքում ո՞րն է, ի՞նչ է, հո խաղալիք չի՞ այս երկիրը, 6 ամիսը մեկ կառավարության հրաժարական պահանջեն։ Ի՞նչ է եղել, կառավարությունն իր ծրագրով աշխատում է։ Այսինքն, եթե ձգտում ենք քաղաքական անկայունության…: Ի՞նչ է, ուզում են ասել՝ դուք գնացեք, մենք գա՞նք։ Դա՞ է նպատակը։ Սահմանադրական ճանապարհ կա իշխանության գալու, ընտրություններ կան, թող սահմանադրական ճանապարհով գան։ Գիտե՞ք իրենք ինչ
են ուզում ընդհանրապես։ Ես գիտեմ, օրինակ։
– Կասե՞ք։
– Իշխանություն։ Սենք ասում ենք՝ եկեք, տեսնենք՝ ինչ խնդիրներ ունենք,
միասնական լուծենք, ասում են՝ չէ, առանց ձեզ։ Երեք հոգանոց կուսակցությունն ասում է՝ մենք ենք իշխանությունը, մենք պիտի որոշենք։ Երեք հոգով ի՞նչ պիտի որոշեն այս երկրում:
Հարցազրույցն ամբողջությամբ կարող եք կարդալ «Հայկական ժամանակ» թերթի այսօրվա համարում
