Այսօր մարմնի 88 տոկոս այրվածքով Գյումրու բժշկական կենտրոն են տեղափոխել 1978թ. ծնված Արտակ Հովսեփյանին: Վերջինս ինքնահրկիզման փորձ է արել հենց իր տան բակում՝ Գործարանային 18 հասցեում՝ փորձելով կյանքին վերջ դնել՝ իր վրա բենզին լցնելով:
Գյումրու բժշկական կենտրոնի տնօրեն Արմեն Իսահակյանը Aravot.am-ին փոխանցեց, որ բացի նստատեղից ու մեջքի հատվածից, մարմնի բոլոր մասերը այրված են: Նրան այս պահին տեղափոխում են մայրաքաղաք՝ Այրվածքաբանության կենտրոն:
Նա երկու օր է ինքնասպանության փորձ է անում՝ կտրատում է մարմնի տարբեր հատվածներ: Երկու օր նրան Գյումրու բժշկական կենտրոնում օգնություն են ցույց տվել:
Արտակ Հովսեփյանն ամուսնացած է, ունի 2 երեխա: Կան ենթադրություններ, որ հոգեկան խնդիրներ ունի:
Կարդացեք նաև
Նունե ԱՐԵՎՇԱՏՅԱՆ
