Քիչ առաջ ՀԱԿ խմբակցության պատգամավոր Լյուդմիլա Սարգսյանն Aravot.am-ի հետ զրույցում, ՀԱԿ խմբակցության քարտուղար Արամ Մանուկյանին ծեծելու հետ կապված փոխանցեց հետեւյալը. «Մուտքի մոտ հարձակում է եղել՝ դիմակավորված անձանց կողմից: Արամին հիմա տանում էին հիվանդանոց, որ ստուգեին: Կասկածներ կան, որ Արամ Մանուկյանն ուղեղի ցնցում է ստացել»:
Հիշեցնենք, որ ազատամարտիկ Սուրեն Սարգսյանին էլ էին երկու օր առաջ ծեծել դարձյալ դիմակավորված անձինք: Լյուդմիլա Սարգսյանի խոսքերով՝ «Սա ինչ-որ տարօրինակ շարք է, ոնց որ 2007-2008 թվականները լինեն: Սա Սուրեն Սարգսյանին ծեծողների նույն ձեռագիրն է: Փորձում են վախի մթնոլորտ ստեղծել երկրում: Դա ոչ թե քաղաքական ուժերի նկատմամբ են անում, այլ նրանց միջոցով ժողովրդին ահաբեկելու համար: Քաղաքական ուժերին վախեցնելն անիմաստ է, մենք թրծված ենք»:
Մեր հարցին՝ ինչո՞ւ են հիմա անում, ինչ-որ իրադարձությա՞ն, իշխանափոխությա՞ն են սպասում՝ Լյուդմիլա Սարգսյանը պատասխանեց. «Իրենց ներսում էլ է անկայուն վիճակը: Դա այդ մասին է խոսում: Թե չէ նման ցնցումների մեջ իրենք չէին լինի եւ չէին գնա այս քայլերին, որովհետեւ սա ի վերջո ի վնաս իրենց է: Ավելի են բորբոքում կրքերը»:
Հռիփսիմե ՋԵԲԵՋՅԱՆ
թուրքի դիվերսանտներ են շրջում Երեվանում,սաֆարովի գործն են շարունակում ապահով Հայաստանում
Թու՞րք, թե՞ ռուս(ավասալ) դիվերսանտներ:
Հայը ինչու* պիտի տեսախցիկների առաջ առանց դիմակի հայտնվեր, հա*յ չէր:Գահ վամպիրը կարող էր իր դավաճանն ունենալ ամենուր և դա գենետիկան չի թաքցնում:Ի վերջո ուրիշ ինչի* է ընդունակ հայը, հատկապես երբ գլխին ղարա վամպիրի քայլող ուրվականն է:Գենետիկա+Մղիչ ուժ=Ինքնամաքրում ինքնավերացմամբ: