Երեկ Գորիսից տեղեկություններ ստացվեցին, որ Սյունիքի մարզպետ Սուրիկ Խաչատրյանը եւ նրա լեգենդար Զարզանդը կանչել եւ ծեծի են ենթարկել Գորիսի հիվանդանոցի տնտեսական մասի նախկին վարիչ Վրեժ Հովսեփյանին, որը «ՀԺ»-ի հետ զրույցում պատմել էր, թե ինչ է կատարվում Գորիսի հիվանդանոցում։
Ըստ նույն աղբյուրի, դեպքին ներկա է եղել նաեւ Գորիսի հիվանդանոցի նախկին գլխավոր բժիշկ Սլավիկ Ամիրյանը, ում փոխարեն Լիսկան մտադիր է այդ պաշտոնում նշանակել իր հորեղբորորդուն։ Հարցին ճի՞շտ է, որ այսօր միջադեպ է եղել եւ Սուրիկ Խաչատրյանն ու Զարզանդը ձեզ վրա ձեռք են բարձրացրել, Վրեժ Հովսեփյանն ասաց. «Չեմ հանդիպել»։ Ոչ մի բան իրենք ձեզ չե՞ն ասել հարցին Հովսեփյանը պատասխանեց. «Չէ։ Ձեր ասածը, ինչ-որ ասում եք, չի եղել»։
Զանգահարել են Սլավիկ Ամիրյանին։
– Ձեզ ինչո՞ւ են աշխատանքից հեռացրել, ինչո՞ւ եք դուրս եկել։
Կարդացեք նաև
– Ես հիմա տեղափոխվել եմ, Երեւանում եմ աշխատում։ Ես հիվանդության պատճառով մոտ երեք ամիս չեմ գնացել աշխատանքի, հետո տեղափոխվել եմ, իմ դիմումի համաձայն եմ դուրս եկել։ Հիմա Այրվածքային եւ ռադիացիոն բժշկության կենտրոնում եմ աշխատում։
– Ասում են, որ իրենք շատ լարված են ձեր դեմ ու ստիպել են, հասել են նրան, որ ազատման դիմում գրեք։
– Դե, ամեն դեպքում՝ այնպիսի պայմաններ էին ստեղծված, որ աշխատելը իմաստ չուներ, ես էլ տեղափոխվեցի, այդպես չէ, որ ինչ-որ՝ ստիպելով եւ այլն, համենայնդեպս՝ ճիշտը նա է, որ նման պայմաններում… ես ունեի առողջական խնդիրներ ու այդ 3 ամիսը չէի գնացել, հետո էլ իմաստ չուներ։
Լ. Բ.
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
