Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանի դատավոր Արթուր Մկրտչյանը խորհրդակցական սենյակից դուրս գալով քիչ առաջ հրապարակեց Վարդան Պետրոսյանի պաշտպան Նիկոլայ Բաղդասարյանի բողոքի կապակցությամբ կայացրած որոշումը:
Այն բավարարվեց:
Նիկոլայ Բաղդասարյանը դիմել էր ընդդեմ Հատուկ քննչական ծառայության քննիչ Ա.Հակոբյանի, որն իր հայտարարության հիման վրա քրեական գործ չէր հարուցել:
Կարդացեք նաև
Խոսքը Կոտայքի մարզի քննչական բաժնի քննիչ Հայկարամ Հակոբյանին էր վերաբերել, որը դեպքի վայրի արձանագրության մեջ ըստ բողոքաբերի կատարել էր կեղծումներ:
Մասնավորապես, դեպքի վայր էր համարել ոչ թե բանուկ մասը, այլ կողնակը:
Ըստ Ն.Բաղդասարյանի, այս գործով մինչեւ վերջ պարզ չդարձավ, թե դեպքի վայրի արձանագրությունը, որտեղ է կազմվել`քննիչի առանձնասենյակում, որտեղ, ընթերականերից մեկը որտեղ է ստորագրել, ինչպե՞ս` կանգնած, քանի որ ըստ Ն.Բաղդասարյանի, արձանագրության եւ դատարանում տված ստորագրությունների միջեւ էական է եղել տարբերությունը:
Մեկ այլ ընթերակա Վազգեն Կարապետյանը չհայտնաբերվեց, քանի որ ոչ գյուղապետի գրությամբ, ոչ ոստիկանության անձնագրային բաժնի կողմից տրված, թե Կենտրոնական ընտրական հանձնաժողովի ընտրացուցակներով այդ անուն ազգանունով, նման տվյալներով անձ չի եղել:
Ըստ պաշտպանի, ինքը դիմել էր Հատուկ քննչական ծառայություն, բայց ծառայությունը ուղարկել էր իր հայտարարությունը Կոտայքի մարզի դատարան, դատավոր Վաղինակ Մկրտչյանին: Նա բերեց մեկ այլ օրինակ, երբ նախապատրաստվել են նույն այդ հիմքերով քրեական գործ:
Պաշտպանի հարցադրումը հետեւյալն էր.Կա՞ն արտոնյալ մարդիկ, որոնց հայտարարության հիման վրա հարուցվում է քրեական գործ, եւ՝ հակառակը:
Հատուկ քննչական ծառայություն այսօր դատարան չէր եկել, պատճառաբանելով իր ծանրաբեռնվածությունը:
Դատարանը պարտավորեցրեց ՀՔԾ-ին կատարել որոշումը՝ հարուցել քրեական գործ:
Ռուզան ՄԻՆԱՍՅԱՆ