Անկախության տոնին Եռաբլուրի պանթեոն էր եկել ոստիկանապետ Վլադիմիր Գասպարյանը: Նրան մոտեցավ մի կին՝ զոհվածի մայր ու շնորհավորելով՝ սկսեց գովել, մեծարել. «Եթե ժառանգը մեր տարեց մարդու տեղը գիտի, աշխարհին սահման չկա»:
Վլադիմիր Գասպարյանը լրացրեց կնոջը. «Ով ակունքը չի հիշում՝ ապագա չունի»:
«Այ ապրես, մեռնեմ արեւիդ»,- արձագանքեց կինը՝ նկատողություն անելով Վլադիմիր Գասպարյանին շնորհակալություն հայտնող պատերազմի հաշմանդամ մի կնոջ, թե «շնորհակալությունը քիչ է»:
Այդ կինը մոտեցավ նաեւ նախագահ Սերժ Սարգսյանին՝ նախապես թիկնապահներին տեղեկացնելով՝ ոչ նամակ ունեմ, ոչ էլ պահանջ ունեմ իրեն, թողեք բարեւ ասեմ: Նախագահը փորձեց լսել կնոջը. «Ասեք»: Կինն էլ, թե՝ «Ես ասելիք չունեմ, դու չգիտե՞ս, որ ես ասելիք չունեմ: Ես ուզում եմ, որ մենակ այս բոլորը այնպես անեն, որ մենք՝ մայրերս էլ ուրախանանք, չնայած մեր երեխեքը ստեղ են (նկատի ունենալով՝ Եռաբլուրում.- Հ. Ջ.)»:
Կարդացեք նաև
Տարեց կինը շնորհավորեց Սերժ Սարգսյանին տոնի առթիվ եւ մաղթեց. «Ուզում եմ դու ունենաս երկար կյանք»: Սերժ Սարգսյանը ծիծաղեց:
Հռիփսիմե ՋԵԲԵՋՅԱՆ
