Երեկ հայտնի է դարձել, որ վարչապետ Հովիկ Աբրահամյանն իր հաշվին երկօրյա արձակուրդ է մեկնել: Արձակուրդի վերաբերյալ այլ մանրամասներ հայտնի չեն: Ամենաուշագրավն այն է, որ Հովիկ Աբրահամյանը իր հաշվին երկօրյա արձակուրդ է մեկնել իշխանական համակարգում կոալիցիոն քննարկումների մեկնարկից հետո: Ավելի ճիշտ՝ այն բանից հետո, երբ այդ հարցը քննարկվեց ՀՀԿ գործկոմի նիստում: Իսկ մինչ այդ, կոալիցիայի մասին հայտարարեց ՀՅԴ Բյուրոյի անդամ Հրանտ Մարգարյանը:
Նրա հայտարարությունը, որ սկզբունքային համաձայնության են եկել Սերժ Սարգսյանի հետ, ՀՀԿ-ական խմբակցության ղեկավար Վահրամ Բաղդասարյանը իրենց համար անակնկալ համարեց՝ ասելով, որ իրենց հետ որևէ այդպիսի հարց չի քննարկվել: Եվ ահա, հունվարի 21-ի նիստում ՀՀԿ-ն քննարկել է այդ հարցը, և դատելով արձագանքներից կամ դրանց բացակայությունից՝ ընդհանուր հայտարար այս հարցում ոչ միայն չկա, այլ կան նաև թեժ անհամաձայնություններ:
Ասել, որ Հովիկ Աբրահամյանի համար ևս անակնկալ է եղել ՀՅԴ-Սերժ Սարգսյան քննարկումները, իհարկե հազիվ թե ճիշտ լինի: Սակայն այն, որ այդ քննարկումները կարող էին Աբրահամյանի համար ոչ դուրեկան բովանդակություն պարունակել, երևի թե մեծ հավանականություն ունի: Եվ չի բացառվում, որ ներհհկական անհամաձայնությունների հիմնական գեներատորներից մեկը լինի հենց Հովիկ Աբրահամյանը: Ի վերջո, ակնհայտ է, որ այստեղ լուծվում է ապագա իշխանության խնդիրը, ապագա մեծամասնության հարցը, իսկ Հովիկ Աբրահամյանին և Սերժ Սարգսյանին հուզողը վարչապետական պաշտոնի խնդիրն է:
Մուսա ՄԻՔԱՅԵԼՅԱՆ
Կարդացեք նաև
Հրապարակումն ամբողջությամբ՝ «Ժամանակ» թերթի այսօրվա համարում:
Վերնիսաժում իսկ, այդ ալ՝ զբօսաշրջիկութեան ամենաթէժ օրերին, այսքան սոսկալի սակարկութիւններ տեղի չեն ունենար, որքան այս օրերին՝ իշխանութեան մթին նախասենեակներում… կարելի՞ է գրավի գալ, արդիւնքների վրայ…