Վիեննայում նախօրեին կայացած հանդիպման ընթացքում հայկական կողմն առաջարկել է, որպեսզի բարձր մակարդակով հաջորդ հանդիպումը կայանա շփման գծում համանախագահների կողմից մոնիտորինգի հաստատումից հետո: Այս մասին Վիեննայից վերադառնալիս լրագրողներին տված հարցազրույցում ասել է Հայաստանի նախագահ Սերժ Սարգսյանը:
«Խոսակցություն գնաց այն մասին, որ որոշ ժամանակ հետո ճիշտ կլինի հանդիպել: Եվ մենք մի կառուցողական առաջարկություն արեցինք. քանի որ խոսքը գնում էր հրադադարի ռեժիմը պահպանելու ուղղությամբ համանախագահների կողմից մոնիտորինգի հաստատման մասին, մենք առաջարկեցինք, որպեսզի այդ մոնիտորինգը հաստատվի մինչ մեր հանդիպումը: Սա կլինի կողմերի կողմից կառուցողական մոտեցում»,- տեղեկացրել է հանրապետության ղեկավարը:
Նյութի մանրամասները կարդացեք Panorama.am-ի կայքում
