Վիեննայում երեկ տեղի ունեցած նախագահների հանդիպման արդյունքների շուրջ «Առավոտ»-ի հարցմանն ի պատասխան՝ ԱԺ փոխնախագահ Հերմինե Նաղդալյանը նշեց հետևյալը
Փաստորեն, բոլոր այն գլխավոր խնդիրները և կարևոր շեշտադրումները, որոնք դրել է ՀՀ նախագահ Սերժ Սարգսյանը, և որոնց մասին խոսել են հայկական կողմերը այս օրերին` բացարձակ ըմբռնումով ընդունվել են ՄԽ համանախագահողների կողմից:
Ուշադրություն դարձրեք՝ հանդիպումը ներկայացուցչական բարձր մակարդակով էր ՝ ԱԳ նախարարների, միջազգային կազմակերպությունների բարձր ներկայացուցիչների մասնակցությամբ, որը որոշակի երաշխիքների մասին է խոսում ու նաև հուշում է, որ ներկաները լավագույնս են տեղեկացված, որ հենց Ադրբեջանն է տարիներ շարունակ հրաժարվել և մերժել միջադեպերի հետաքննության մեխանիզմների հարցը՝ ունենալով կարծր դիրքորոշում:
Այժմ Ադրբեջանի նախագահը ստիպված է համաձայնություն տալ՝ մեջբերում եմ «հնարավորինս սեղմ ժամկետներում վերջնականացնել հետաքննական մեխանիզմը»:
Կարդացեք նաև
Կարծում եմ՝ սա մի շառաչուն ապտակ էր Ադրբեջանին՝ մեր գլխավոր հարցերը ՄԽ հայտարարության մեջ արտացոլված են՝
1. հրադադարի պահպանում
2. հակամարտության խաղաղ կարգավորում
3. միջադեպերի հետաքննական մեխանիզմներ
4. ԵԱՀԿ գործող նախագահի անձնական ներկայացուցչի կարողությունների ընդլայնում
5. հակամարտության համակողմանի կարգավորման շուրջ բանակցությունների վերսկսում:
ՀՀ նախագահի վստահ , բավարարված և ամուր պահվածքին հակառակ Ալիևի սառած դեմքն ու արձանային տեսքը, կարծում եմ, խոսում էր հենց այն մասին, որ ապտակը ստացել է, և լուրջ ապտակ է եղել»,- իր խոսքը եզրափակեց տիկին Նաղդալյանը: