Այսօր Վերաքննիչ քրեական դատարանում կալանավոր Հրաչյա Գեւորգյանը դատարանի դահլիճում կարողացավ լրագրողներին արագ նետել մի նամակ, որտեղ ներկայացրել էր, թե ինչ է կատարվում Նուբարաշեն քրեակատարողականում:
Նրա խոսքերով՝ «Ոչ իրենցից եմ վախենում, ոչ էլ իրենց նորանոր մտածված տանջանքներից: Ինչը որ թուրքը չի անի, նրանք անում են»:
Ըստ Հրաչյա Գեւորգյանի, իրեն այնպիսի դեղ են ներարկել, որ 2 տարի է՝ չի կարողանում խոսել ու քայլել:
Հրաչյա Գեւորգյանի ձեռքից վերցրել են իր հեռախոսը: Նրա խոսքերով՝ «Ստեղ հարցը հեռախոսը չի, իրենց ստուկաչների մոտ ամեն մեկի մոտ 3-4 հեռախոս եւ մի հատ պլանշետ սաղի մոտ կա: Էս 1000 տոկոս ճշտած եմ ասում: Ամեն շաբաթ խուզարկություն է գնում խցերում, ամեն խուցը շաբաթը 20-30 հազար դրամ փող է տալիս խուզարկություն անողներին եւ մի հատ էլ ստից փչացած հեռախոս, որ ձեւի համար տանեն հանձնեն:
Էդ, որ հեռուստացույցով ցույց են տալիս, դրանք էդ փչացած հեռախոսներն են: Ամեն շաբաթ 20-30 հազար դրամ փող ու ամիսը 2 հատ փչացած հեռախոս տուր՝ քանի հատ հեռախոս կուզես պահի: Կամեռ կա, որ շատ է տալիս՝ 40-50 հազար: Հիմա անցնենք ռեժմնիկին ու օպերին: Ամեն հարկն ունի իր ռեժիմնիկն ու օպերը: Ամեն ամսվա վերջ ամեն խուցը տալիս ա 100 հազար օպերին, 100 հազար ռեժիմնիկին: Անձամբ ես շատ եմ տվել»:
Հրաչյա Գեւորգյանը խոստանում է փաստերով ապացուցել իր ասածը: Գեւորգյանը նամակում խնդրում է, որ շուտ Մարդու իրավունքների պաշտպանն իրեն այցելի, վստահեցնելով, որ շատ բան ունի նրան պատմելու:
Հռիփսիմե ՋԵԲԵՋՅԱՆ
