Առաջարկել են քննարկել Լեռնանիստ գյուղի դպրոցի աշխատանքները շարունակելու նպատակահարմարության հարցը

ՀՀ քննչական կոմիտեի Կոտայքի մարզային քննչական վարչությունում քննվող քրեական գործի շրջանակներում Կոտայքի մարզային քննչական վարչության պետ Մ.Վարդանյանն այսօր դիմել է Կոտայքի մարզպետին՝ գյուղի դպրոցի աշխատանքները շարունակելու նպատակահարմարության հարցը քննարկելու համար ։

Ավելի վաղ տեղեկացրել ենք, որ Լեռնանիստ գյուղում փետրվարի 14-ին փլուզված շինության հարակից տարածքում «Գազպրոմ» ՀԲԸ  «Կոտայք» ԳԳՄ-ի մասնաճյուղի աշխատակիցների մասնակցությամբ և համապատասխան սարքավորման կիրառմամբ մարտի 1-ին  կատարվել է  տեղանքի զննում՝ ստորգետնյա գազատար խողովակից հնարավոր գազի արտահոսքի ստուգման նպատակով: Արդյունքում պարզվել է, որ փլուզված շինության հետնամասի հատվածում առկա է գազի մեծ արտահոսք։

Հնարավոր վտանգավոր հետևանքներից խուսափելու համար նույն օրը գրություն է ուղարկվել «Կոտայք» ԳԳՄ-ի ղեկավարին՝ տվյալ տարածքի գազամատակարարումն անմիջապես դադարեցնելու համար, ինչպես նաև` լրացուցիչ մասնագետներ տրամադրելու՝ 02.03.2017թ նշված տեղանքում ստորգետնյա գազատար խողովակները հողից մաքրելու, գազի արտահոսքի աղբյուրը պարզելու և տեղում վերացնելու նպատակով:

Համապատասխան մասնագետների մասնակցությամբ այսօր դեպքի վայրում կատարված համապատասխան աշխատանքների արդյունքում չի հաջողվել հայտնաբերել գազի արտահոսքի աղբյուրը, ինչի մասին քննչական մարմինը տեղյակ է պահել մարզպետին՝ առաջարկելով քննարկել դպրոցում ուսումնական գործընթացը ժամանակավորապես դադարեցնելու հարցը։ Բացի այդ գրություն է ուղարկվել «Գազպրոմ Արմենիա» ՓԲԸ-ի վարչության նախագահին՝ լրացուցիչ տեխնիկա և մասնագետներ տրամադրելու համար։

Կարդացեք նաև

Դեռևս տարիներ առաջ է միտք առաջացել՝ կազմակերպել ցուցադրություն` արժևորելու կնոջ դերը ազգային մշակույթի պահպանման և զարգացման գործում

• 23:40 08.03.2024

40.000.000 դրամ շուկայական արժեքով հողամասը 440.000 ՀՀ դրամով օտարել է ընկերոջը. Նոր Գեղի նախկին ղեկավարը՝ իրավապահների ուշադրության կենտրոնում

• 16:09 19.02.2024

Բյուրեղավանի նախկին ղեկավարին վերագրվում է առանձնապես խոշոր չափերի գույքի հափշտակություն

• 20:48 11.02.2024

Հիշեցնենք, որ 2017 թվականի փետրվարի 14-ին՝ ժամը 10:00-ի սահմաններում,  փլուզվել  են Կոտայքի մարզի Լեռնանիստ գյուղի միջնակարգ դպրոցի հարևանությամբ գտնվող առևտրի սրահի պատերն ու տանիքը, ինչի հետևանքով նույն գյուղի բնակչուհիներ Ալմիդա Մեսրոպյանը և Անուշ Սարգսյանը մնացել են փլատակների տակ և ստացած վնասվածքներից տեղում մահացել: Եվս երեք հաճախորդ՝  նույն գյուղի բնակիչներ Տաթևիկ Սարգսյանը, Սարգիս Ալոյանը և Հրազդան քաղաքի բնակիչ Արթուր  Ալոյանը, մարմնական վնասվածքներով տեղափոխվել են «Հրազդան ԲԿ» ՓԲԸ։

Դեպքի առթիվ Կոտայքի մարզային քննչական վարչությունում հարուցվել է քրեական գործ՝ ՀՀ քրեական օրենսգրքի 230-րդ հոդվածի 2-րդ մասով:

ՀՀ քննչական կոմիտեի դեպարտամենտի տեղեկատվության և հասարակայնության հետ կապերի բաժին