Ըստ պաշտոնական արդյունքների՝ երկու ընդդիմադիր թեկնածուների հավաքած ձայները միասին գործող քաղաքապետի ձայների կեսն են։ Այսինքն, կիսով չափ է կենտրոնի բնակչությունը դժգոհ քաղաքային իշխանությունից։
Ի դեպ, ցածր մասնակցության ցուցանիշ գրանցվել է նաև Արաբկիր վարչական շրջանում՝ 38,82 տոկոս։ Եթե մայրաքաղաքի կենտրոնական հատվածներում ապրող բնակչության կեսից ավելին դրական չի գնահատում կատարված աշխատանքը, ի՞նչ ասեն արվարձաններում ապրողները։ Քվեարկության մասնակցության տվյալները տալիս են հարցի պատասխանը։
Մալաթիա-Սեբաստիայում և Քանաքեռ-Զեյթունում ընտրողների 33 տոկոսն է գնացել ընտրությունների, բայց այս վարչական շրջաններում, կարծես, միայն ՀՀԿ-ի օգտին քվեարկողներն են ակտիվ եղել։ Ըստ այդմ, 70 տոկոս մասնակցություն եղել է Մալաթիա-Սեբաստիայում, 57 տոկոս՝ Քանաքեռ-Զեյթունում։
Ռեկորդային ցուցանիշ է արձանագրել Տարոն Մարգարյանը մայրաքաղաքի ամենահոգսաշատ վարչական շրջանում՝ Նուբարաշենում՝ 85,5 տոկոս՝ հետևում թողնելով «հայրենի» Ավանը՝ 78 տոկոս։
Այսպիսով, անկախ հայկական ընտրությունների ոչ մի օրինաչափությանը չենթարկվող տրամաբանությունից, մայրաքաղաքի բնակիչը չի ցանկացել փոխել իր այսօրվա կացութաձևը, քաղաքային միջավայրը, մթնոլորտը։ Պաշտոնական տվյալներով գործող քաղաքապետն է ամենաշատ քվե վաստակողը։
Ռուզան ԽԱՉԱՏՐՅԱՆ
Հոդվածն ամբողջությամբ կարող եք կարդալ «Իրատես» թերթի այսօրվա համարում
