Թիվ 7 ընտրատարածքային հանձնաժողովում 7/51 ընտրատեղամասի արդյունքների վերահաշվարկն է՝ «Ելք» դաշինքի դիմումի հիման վրա: Այս ընտրատեղամասում արձանագրվել է 148 անվավեր քվեաթերթիկ ու «Ելքը» կասկածում է, որ կարող է այդքան քվեաթերթիկ մի տեղամասում անվավեր լինել: Ինչպես տեղեկացրել ենք, պարզվեց, որ անվավեր համարված քվեաթերթիկներից….դատարկ էր: ՀՀԿ-ի օգտին քվեարկած քվեաթերթիկներից մի քանիսը կանաչ գրիչով նշում ուներ: Մի քվեաթերթիկ V-աձեւ նշումի փոխարեն քվեարկած էր W: Այդ ընտրատեղամասի հանձնաժողովի նախագահը արդարացավ, թե՝ ընտրողը երեւի մեծ մարդ է եղել, շշկռվել է:
Հարցին՝ «Երկիր Ծիրանիի» օգտին քվեարկած «O» նշանով քվեաթերթիկի ընտրողը չէ՞ր կարող շշկռվել՝ նա պատասխանեց, որ, համենայնդեպս, ինքը հանձնաժողովի անդամների քննարկմանն է դրել եւ միասնաբար որոշել են, որ դա վավեր քվեաթերթիկ է:
Թիվ 7 ընտրատարածքային հանձնաժողովը այդ քվեաթերթիկների հարցը դրեց քվեարկության, անդամներից մեկը դեմ էր, որ այն անվավեր համարվի, բայց քվեարկությամբ այն ի վերջո անվավերների շարքին դասվեց: Արդյունքում՝ անվավեր համարված 151 քվեաթերթիկների թիվն ավելացավ 1-ով: Անվավեր քվեաթերթիկներից մեկի վրա ընտրողը Տարոն Մարգարյանին գրել էր «ամոթ», մի քվեաթերթիկի վրա էլ Զարուհի Փոստանջյանին գրել էին՝ «սիրելիս»:
Քվեաթերթիկների վրա կային սեռական բնույթի հայհոյանքներ եւ նկարներ՝ ըստ ընտրողի երեւակայության: Հայհոյանքները հիմնականում վերաբերում էին բոլոր թեկնածուներին:
Հռիփսիմե ՋԵԲԵՋՅԱՆ
