Մայիսի 30-ին Տավուշի մարզի ընդհանուր իրավասության առաջին ատյանի դատարանում Նաիրա Գեւորգյանի դեմ Իջեւանի քաղաքապետարանի քաղաքացիական հայցով վճիռ կայացվեց, որով բավարարվեցին Իջեւանի քաղաքապետարանի եւ Նաիրա Գեւորգյանի միջեւ 2006թ. մարտի 30-ին կնքված անշարժ գույքի օտարման պայմանագրից ծագած, 2006թ. ապրիլի 6-ին իրականացված իրավունքի պետական գրանցումն անվավեր ճանաչելու ե դրանց հետեւանքները անվավեր ճանաչելու մասին պահանջները:
Գործը վերաբերում է Իջեւանի նախկին կենցաղի տան հարակից 810 քառակուսի մետր տարածքին: 2011 թվականից Իջեւան քաղաքը ղեկավարող Վարդան Ղալումյանը նախկինում լինելով համայնքի ավագանու անդամ ՝պայքարում էր, որպեսզի այդ կանաչապատ տարածքը չսեփականաշնորհվի: Դա պատճառներից մեկն էր, որ Վարդան Ղուլումյանը եւ ավագանու մյուս անդամներն անվստահություն հայտնեցին Իջեւանի նախկին քաղաքապետ Վարուժան Ներսիսյանին:
Վարդան Ղալումյանն ասաց, ուր Ւջեւանի քաղաքապետարանի պահանջը ճիշտ էր, այդ հողամասը 2006 թվականից հետո 4-5 անգամ վաճառվել կամ նվիրվել էր, սակայն դրանք արվել էին անօրինական գործարքի հետքերը սրբելու համար: Քաղաքապետի խոսքերով՝ Տավուշի մարզի առաջին ատյանի դատարանի վճիռն արդար է:
Ոսկան ՍԱՐԳՍՅԱՆ
