«Մեզ համար զվարճալի է, եթե այդքան ողբերգական ու մեզ համար ճակատագրական չլիներ»,- այսօր Կենտրոն եւ Նորք Մարաշ վարչական շրջանների ընդհանուր իրավասության դատարանում Նորքի զինված խմբի գործով դատավոր Բեկթաշյանի հարցին՝ ձեզ համար մեղադրանքը հասկանալի՞ է, ընդունո՞ւմ եք այն, այսպես պատասխանեց գործով մեղադրյալ Խաչիկ Ավետիսյանը:
Զինված խմբի անդամ Հարություն Սարիբեկյանն էլ իրեն մեղավոր չճանաչեց, նա վստահեցրեց, որ ամբաստանյալներից որեւէ մեկին չի ճանաչել, նրանց տեսել է միայն դատարանում. «Մենք երեք եղբայր կռվել ենք, երկուսս դարձել ենք ինվալիդ, մեկն անհետ կորել է: Նույնիսկ իմ կինն է հղի վիճակով զենքը ձեռը կռվել իմ հետ: Եթե դրա համար են մեզ դատում՝ խնդրեմ: Իսկ իմ տնից շատ հեռու է օդանավակայանի խոցելու վարկածը: Թող փորձագետներ գան, դնեն փորձեն: Տարածությունը Մուխայի 350-400 մետր է, ես էդքան հիմար չեմ, որ իմ տնից խփեմ ինքնաթիռ, կամ իմ ինչի՞ն է պետք խփել նախագահի ինքնաթիռին: Կամ ПК-ն ո՞ւր է, գործի մեջ ո՞ւր է այդ գնդացիրը: Ես ինձ մեղավոր չեմ ճանաչում:
Հռիփսիմե ՋԵԲԵՋՅԱՆ
