Մխիթար Սեբաստացի կրթահամալիրի տնօրեն Աշոտ Բլեյանը հունիսի 6-ին «Հայելի» ակումբում կայացած ասուլիսում հայտարարեց, որ վատ է վերաբերվում ՀՀ վարչապետ Նիկոլ Փաշինյանի` Դիլիջանի դպրոցում ունեցած անգլերեն ելույթին: «Որովհետեւ դա հայաստանյան բրենդ չէ, Հայաստանում չի ստեղծված, իսկ Հայաստանում ստեղծված է հեղինակային կրթական ծրագիր, որը Բլեյանի դպրոցն է, դա հայաստանյան է` անկախ թերություններից` ինչպես չորանոց, ծիրանի այգի կամ մի այլ բան»,-ասաց Աշոտ Բլեյանը:
Նա նաեւ նշեց, որ Փաշինյանի բոլոր զավակները իրենց կրթահամալիրի սաներ են, ապա հավելեց. «Կա Շուշան Փաշինյան, որը թույլ չի տա, որ Նիկոլը երկրորդ սխալ քայլն անի։ Ես վստահ եմ ուղղակի, որովհետև այդ պայծառ, զուլալ աղջիկը կպաշտպանի այդ մանկավարժությունը, որը նաև իր մանկավարժությունն է»:
Գոհար ՀԱԿՈԲՅԱՆ
