Այսօր ԱԺ արտաքին հարաբերությունների հանձնաժողովի փոխնախագահ Հովհաննես Իգիթյանը հարցին՝ փետրվարի 7-ին ՀԱՊԿ գլխավոր քարտուղարի պաշտոնի Բելառուսի թեկնածու Ստանիսլավ Զասը հայտարարեց, որ կանոնակարգը թույլ է տալիս, որ սեղմ շրջանակներով ՀԱՊԿ գլխավոր քարտուղարի նշանակման հարցը որոշվի, նա նաեւ ցանկություն էր հայտնել պաշտոնական Երեւանի հետ հանդիպման, ի՞նչ է նշանակում սեղմ կազմով որոշում կայացնելը ՀԱՊԿ-ում՝ պատասխանեց. «Հարցին հարցով պատասխանեմ՝ ո՞՞վ է Զասը, ո՞վ, ես ենթադրում եմ, որ պատասխանը կլինի Բելառուսի անվտանգության խորհրդի քարտուղար (ղեկավար), արդյո՞ք ՀԱՊԿ-ի անդամ որեւէ երկրի անվտանգության խորհրդի գլխավոր քարտուղարն իրավունք ունի խոսել, թե ինչպես պետք է երկրի ղեկավարները, որոնք հանդիսանում են ՀԱՊԿ-ի խորհրդի լիարժեք ու լիիրավ անդամ, իրավունք ունի կարծիք հայտնի, թե ինչպես պետք է այդ հարցը լուծվի:
Արդյո՞ք դա մտնում է իր իրավասությունների մեջ: Մենք էլ ունենք Անվտանգության խորհուրդ ու մենք էլ ունենք խորհրդի գլխավոր քարտուղար, դա քարտուղարների հարց չէ, դա առաջին դեմքերի հարց է: Եթե չգիտի Զասը, ապա պետք է կարդա կանոնակարգը, եթե չեմ սխալվում՝ 16 թե 17 հոդվածները, որտեղ ասվում է, թե ով պետք է առաջադրի ՀԱՊԿ-ի գլխավոր քարտուղարի թեկնածությունը եւ նշված է, որ ընտրվում է 3 տարվա ժամկետով կոնսենսուսով: Այս որեւէ կարգավորում գոյություն չունի»:
Իգիթյանն ասաց, որ չի կարծում, որ այս դեպքում Զասի շուրթերով խոսում է Լուկաշենկոն:
Հռիփսիմե ՋԵԲԵՋՅԱՆ
Իգիթյանն ասաց, որ չի կարծում, որ այս դեպքում Զասի շուրթերով խոսում է Լուկաշենկոն:
Իսկ իմ կարծիքով խոսում է հենց Լուկաշենկոն: