Այսօր Շիրակի մարզպետ Տիգրան Պետրոսյանը մարզպետարանի աշխատակազմին է ներկայացրել գլխավոր քարտուղարին փոխարինող Կարեն Բադիշյանին։ Այս պաշտոնը նախկինում կոչվում էր աշխատակազմի ղեկավար։ Իշխանափոխությունից հետո այն թափուր է․ Շիրակի մարզպետարանի աշխատակազմի երկարամյա ղեկավար Խաչատուր Պողոսյանը Կարեն Սարուխանյանի մարզպետ նշանակվելուն պես հրաժարական ներկայացրեց։
Մինչ Կարեն Բադիշյանի նշանակվելը, գլխավոր քարտուղարին փոխարինում էր իրավաբանական բաժնի պետ Գեղամ Բաղդասարյանը։
Նշենք, որ Կարեն Բադիշյանը Շիրակի մարզպետարանի զարգացման ծրագրերի, զբոսաշրջության և վերլուծության բաժնի պետն է, որը համատեղելու է այս երկու պաշտոնները։ Նա պաշտոնի նշանակվել է մարզպետի առաջարկությամբ՝ վարչապետի համաձայնությամբ։
Ի դեպ, կային խոսակցություններ այս պաշտոնում մարզպետարանի կրթության բաժնի պետ Գևորգ Ղումաշյանին նշանակելու։
Կարդացեք նաև
Նունե ԱՐԵՎՇԱՏՅԱՆ
Լուսանկարը՝ Շիրակի մարզպետարանի
