Թշնամու դիվերսիոն-հետախուզական խմբի ներթափանցման փորձը հաջողությամբ կասեցնելու և կորուստներ պատճառելու ընթացքում աչքի են ընկել սերժանտ Վաչիկ Ղևոնդի Ասրյանն ու շարքային Վահան Գեղամի Վարդանյանը:
Փոխգնդապետ Սեդրակ Էդուարդի Գրիգորյանը աչքի է ընկել մի շարք մարտական դրվագներում, դրսևորել անձնական արիություն:
Շարքային Արման Արմենի Բարսեղյանը խոցել է թշնամու մեկ տանկ, դրսևորել անձնական խիզախություն:
Հակառակորդին մեծաթիվ մարդկային ուժի ու զինտեխնիկայի կորուստներ է պատճառել ավագ լեյտենանտ Գևորգ Օլեգի Հայրապետյանը:
Կարդացեք նաև
Ստորաբաժանումները հմտորեն ղեկավարել, հակառակորդի բազմաթիվ նշանակետեր է հայտնաբերել և ճշգրիտ խոցման խնդիրներ է առաջադրել փոխգնդապետ Գևորգ Ալբերտի Գասպարյանը:
Ռադիոկապը մարտական բարդ իրավիճակում հմտորեն կազմակերպել և առաջադրանքները բարձր մակարդակով է կատարել կապիտան Արման Վարդգեսի Դանիելյանը:
Մարտական առաջադրանքները գերազանց մակարդակով կատարել, արդյունավետ հետախուզություն վարել և հակառակորդին զգալի կորուստներ են պատճառել շարքայիններ Մարտիկ Գառնիկի Ավագյանը, Կարեն Արմենի Միրզախանյանը, կրտսեր սերժանտներ Վահան Գրիգորիի Սիմոնյանը, Դավիթ Սասունի Ղուլյանը, Պետրոս Արամի Չիլինգարյանը, Ժիրայր Արշավիրի Առաքելյանը, Էրիկ Արմենի Ադամյանը, Ցոլակ Շիրազի Թառոյանը, սերժանտներ Վահե Արմենի Սահակյանը, Ալեքսան Ռազմիկի Սիմոնյանը, Արամ Արմենի Կարապետյանը:
Փառք մեր հերոսներին:
ԱՀ ՊՆ
