Հավաքական անվտանգության պայմանագրի կազմակերպության խորհրդարանական վեհաժողովը նախատեսում է հիմնել ՀԱՊԿ ԽՎ գործընկեր երկրների ինստիտուտ, որոնք կստանան խորհրդատվական ձայնի իրավունք: Այս մասին հայտարարել է Պետդումայի խոսնակ, ՀԱՊԿ ԽՎ նախագահ Վյաչեսլավ Վոլոդինը:
«Ենթադրվում է դիտարկել ՀԱՊԿ Խորհրդարանական վեհաժողովի համար նոր գործընկերության ինստիտուտ հիմնելու հարցը: Գործընկերներն իրավունք կստանանք խորհրդատվական ձայնի, փաստաթղթերի պատրաստման և հավաքական որոշումների մշակման»,- ասել է Վոլոդինը:
Նրա խոսքով՝ նոր կարգավիճակը մեծ նշանակություն ունի վեհաժողովի աշխատանքների արդյունավետության, թափանցիկության գործում: «Առավել ևս, որ համագործակցության նկատմամբ հետաքրքրություն ԵԱՀԿ ԽՎ շրջանակում ցուցաբերում են մի շարք պետություններ: Այդ կապակցությամբ ՀԱՊԿ-ում դիտորդների և գործընկերների կարգավիճակի տրամադրումը լրացուցիչ հնարավորություններ է տալիս ակտիվացնել միջխորհրդարանական գործակցությունը երկրների և միջազգային կազմակերպությունների հետ, որոնք կիսում են աշխատանքում մեր սկզբունքները»,- ասել է Վոլոդինը:
Այս պահին ՀԱԿՊ ԽՎ-ում անդամներից բացի կան դիտորդ երկրներ՝ Աֆղանստանը և Սերբիան:
Կարդացեք նաև
Նիստից հետո լրագրողների հետ զրույցում Պետդումայի ԱՊՀ հարցերով հանձնաժողովի ղեկավար Լեոնիդ Կալաշնիկովն ասել է, որ նոր ձևաչափի նկատմամբ հետաքրքրություն են դրսևորում բազմաթիվ երկրներ, բայց նշել է նրանցից երկուսին՝ Ադրբեջան և Պակիստան:
Պատրաստեց Վիկտորյա ԱՆԴՐԵԱՍՅԱՆԸ
