«Այս պատկերը շատ է նման 2025 թվականի հունիսի 17-ին, երբ 40 վայրկյանանոց հարցազրույցի համար, Հայ Առաքելական սուրբ եկեղեցին մեր ձեւով պաշտպանելու համար ձերբակալվեց եւ կալանավորվեց ազգային բարերար Սամվել Կարապետյանը»,- երեկ կեսգիշերն անց Հակակոռուպցիոն դատարանի բակում հայտարարեց «Ուժեղ Հայաստան» խմբակցության քարտուղար Տիգրան Աբրահամյանը՝ մինչ հայտնի կդառնար Սամվել Կարապետյանին դարձյալ կալանավորելու որոշման մասին։
«Բոլորս հիշում ենք հունիսյան այն օրերը, երբ Սամվել Կարապետյանը կանգնեց մեր սուրբ եկեղեցու կողքին, հիշում ենք արշավը մեր եկեղեցու դեմ։ Եվ ի՞նչ։ Անցել է 16-17 ամիս եւ Նիկոլ Փաշինյանի ջանքերը ջուրն են գնացել։ Չի ստացվել մոտը։ Այս անգամ եւս չի ստացվելու։ Ոչ ենք ասելու ալիեւյան սահմանադրությանը։
Բոլորս էլ հասկանում ենք, որ այս շինծու, կեղծ, կարված մեղադրանքները գրվել են Ադրբեջանում, գրվել են Իլհամ Ալիեւի կողմից եւ թարգմանվել են Նիկոլ Փաշինյանի կողմից»,-նշեց ընդդիմադիր պատգամավորը։
Կարդացեք նաև
Աշոտ ՀԱԿՈԲՅԱՆ
Ավել ճշմարտանման կհնչեր եթե ասիք՝ «գրվել են Մոսկվայում»։