Իջեւան քաղաքի բնակիչ, 1987թ. ծնված Վազգեն Օհանյանին մեղադրանք է առաջադրվել այն բանի համար,որ նա 2015թ. օգոստոսի 28-ին, ժամը 18.00-ի սահմաններում ապօրինի մուտք է գործել Իջեւանի բնակիչ Աշոտ Մանուչարյանին սեփականության իրավունքով պատկանող, Տավուշի մարզի Գանձաքար համայնքի վարչական տարածքում գտնվող, որպես այգի օգտագործվող ցանկապատված հողամաս, որտեղից գողացել է 10 կգ պնդուկ, Ա. Մանուչարյանին պատճառելով 8 հազար դրամի վնաս:
Վ. Օհանյանին մեղադրանք է առաջադրվել ՀՀ քրեական օրենսգրքի 177 հոդվածի 2-րդ մասի 3-րդ կետի հատկանիշներով («Գողությունը,որ կատարվել է պահեստարան կամ շինություն ապօրինի մուտք գործելով»): Սույն հոդվածով բնութագրվող արարքը պատժվում է 500 հազարից մինչեւ 1 միլիոն դրամ տուգանքով կամ 2-5 տարի ազատազրկմամբ:
Ըստ «Դատալեքս» դատական տեղեկատվական համակարգի՝ Վ. Օհանյանի հանդեպ. որպես խափանման միջոց , ընտրվել է չհեռանալու մասին ստորագրությունը: Այս քրեական գործով դատավարությունը նոյեմբերի 27-ին կմեկնարկի Տավուշի մարզի առաջին ատյանի դատարանում:
Ոսկան ՍԱՐԳՍՅԱՆ
Այ անխիղճներ, էտ տղուն երկու պնդուկի համար խի եք բռնել տվել,պապս որ ծառ էր տնկում ասում էր բալա ջան զաբոռից դուրս եկած ճուղերը չկտրես,դրանց բերքը ճանփորդներիննա ,որ ուտեն ու մեզ օրշհնեն ոչ թե քրֆեն