2016թ. Ոստիկանության ՊՊԾ գունդը գրաված Սասնա ծռեր զինված խմբի անդամներից 14-ի գործով դատական նիստում այսօր եւս մեկ քաղաքացու հանդեպ դատավոր Արտուշ Գաբրիելյանը սանկցիա կիրառեց: Կարգադրիչները համապատասխան գրությամբ զեկուցել էին, որ նիստերի դահլիճի ապակե պատնեշից այս կողմ գտնվող քաղաքացի Պավել Եղիազարյանն անպարկեշտ արտահայտություն է թույլ տվել դատավորի եւ դատարանի հասցեին: Դատավորն էլ որոշեց նրան սանկցիայի ենթարկել՝ հեռացնել դատական նիստերից մինչեւ սույն գործով դատաքննության ավարտը:
Հայրը վրդովվեց, բղավեց, որ ինքն անվայել արտահայտություն չի արել: Ամբաստանյալների համակիրներն ու հարազատներն էլ դժգոհեցին, անգամ լաց եղան, որովհետեւ Պավել Եղիազարյանը մինչեւ դատաքննության ավարտի չի կարողանա որդուն տեսնել: Հիշեցնենք, որ «Սասնա ծռերի» հանդեպ տեսակցությունների եւ հեռախոսազանգերի արգելանք է գործում դեռեւս նախաքննության փուլից:
Լուիզա ՍՈՒՔԻԱՍՅԱՆ
