Շախմատի Հայաստանի կանանց ազգային հավաքականը կմասնակցի սեպտեմբերի 1-12-ը Չինաստանի Նինգբու քաղաքում կայանալիք աշխարհի թիմային առաջնությանը: Այս մասին Աթենքից պաշտոնական հաղորդում է տարածել ՖԻԴԵ-ի քարտուղարությունը:
Աշխարհի թիմային առաջնությանը մասնակցելու իրավունք տրվել է տասը ուժեղագույն հավաքականների: Հայաստանից բացի, Նինգբույում հանդես են գալու Վրաստանը, Ուկրաինան, ԱՄՆ-ը, Ռուսաստանը, Լեհաստանը, Չինաստանը եւ Ասիայի, Ամերիկայի ու Աֆրիկայի չեմպիոն թիմերը:
Հայաստանի շախմատային դրոշի պատիվը կպաշտպանեն մեր լավագույնները՝ Էլինա Դանիելյանը, Լիլիթ Մկրտչյանը, Նելլի Աղինյանը, Լիլիթ Գալոյանը եւ Սիրանուշ Անդրիասյանը:
