Դրեզդենի դատարաններից մեկում 28-ամյա ամբաստանյալը դանակահարել է 32-ամյա վկային, այն պահին, երբ նա ցուցմունք էր տալիս իր դեմ: Դրան հետեւած աղմուկի եւ ծեծկռտուքի ժամանակ դատարանում կրակոցներ են հնչել, արդյունքում վիրավորվել են ներկաներից 2-ը: Գերմանիայում 3 ամսվա ընթացքում սա 2-րդ դեպքն է, երբ ամբաստանյալը հաշվեհարդար է տեսնում վկայի հետ հենց դատարանի դահլիճում: Մյունխենից ոչ հեռու՝ Լանդշուտ քաղաքում ապրիլին լսվել էր քաղաքացիական գործ՝ գույքի բաժանման վերաբերյալ: Պատասխանողը՝ 60-ամյա տղամարդը գնդակահարել էր գույքային պահանջներ ունեցող իր հարսին: Դրանից հետո նա ինքնասպան էր եղել:
