Այսօր Արամ Խաչատրյանի տուն-թանգարանի դահլիճում կկայանա համերգ՝ նվիրված մեծանուն կոմպոզիտոր Ավետ Տերտերյանի 80-ամյա հոբելյանին: Համերգին կմասնակցեն Արամ Խաչատրյանի անվան տրիոն՝ ի դեմս դաշնակահարուհի Արմինե Գրիգորյանի, թավջութակահար Կարեն Գրիգորյանի եւ ջութակահար Կարեն Շահգալդյանի, ինչպես նաեւ մենակատարներ Հայկ Մելիքյանը, Աննա Մայիլյանը եւ այլ երաժիշտներ, տեղեկացնում է tert.am-ը: Տերտերյանի հոբելյանական համերգի ընթացքում կհնչեն ռոմանսներ, սոնատ թավջութակի եւ դաշնամուրի համար, լարային կվարտետներ, դաշնամուրային տրիո՝ ձայնի հետ, իսկ Հայկ Մելիքյանը կկատարի համերգային պարաֆրազ՝ «Կրակե օղակ» օպերայի թեմաներով
