![\"\"](\"https://www.aravot.am/2009/aravot_arm/December/12/p23.jpg\")
Աշխարհի չեմպիոններ Տիգրան Պետրոսյանը եւ Նոնա Գափրինդաշվիլին:
Հայաստանում Վրաստանի դեսպանատան տարածած տեղեկության համաձայն, Թբիլիսիում կտեղադրվի շախմատի աշխարհի կրկնակի չեմպիոն Տիգրան Պետրոսյանի հուշատախտակը: Նախաձեռնությունը Վրաստանում ՀՀ արտակարգ եւ լիազոր դեսպան Հրաչ Սիլվանյանինն է, գործին աջակցել է Վրաստանի շախմատի ֆեդերացիան: Հուշատախտակը տեղադրվելու է այն տան պատին, ուր 1929-1946 թվականներին բնակվել է Տիգրան Պետրոսյանը:
Նախքան հուշաքարի բացումը՝ դեկտեմբերի 2-9-ը Թբիլիսիի շախմատի պալատում տեղի է ունեցել մեծ գրոսմայստեր Տիգրան Պետրոսյանին նվիրված արդեն վեցերորդ ավանդական հուշամրցաշարը, հաղթող է ճանաչվել գրոսմայստեր Դավիդ Ջոջուան: Տիգրան Պետրոսյանի 80-ամյա հոբելյանի կապակցությամբ մրցաշարին «ՆՏՆ» անունն է տրվել. հայտնի շախմատիստներ Նոնա Գափրինդաշվիլիի, Տիգրան Պետրոսյանի եւ Նանա Ալեքսանդրիայի անունների սկզբնատառերը: