![\"\"](\"https://www.aravot.am/2009/aravot_arm/December/18/p11.jpg\")
Երեւանի Կենտրոն եւ Նորք-Մարաշ վարչական շրջանի ընդհանուր իրավասության դատարանում, Գագիկ Ավետիսյանի նախագահությամբ, ավարտվեց ՀՀ ոստիկանության աշխատակիցներ Անդրանիկ Մանուկյանի եւ Գեղամ Գրիգորյանի նկատմամբ հարուցված քրեական գործի դատաքննությունը: Նրանք մեղադրվում էին մարտի 1-ին Մաշտոցի պողոտայում երեք քաղաքացիների՝ բռնությամբ բաժին տեղափոխելու, ոչ իրավաչափ գործողություններ կատարելու համար: Ոստիկանները դատապարտվեցին 3 տարվա ազատազրկման: Ինչպես հայտնի է, մինչեւ 5 տարվա ազատազրկվածի նկատմամբ տարածվում էր ԱԺ համաներման մասին որոշումը:
Ոստիկանների նկատմամբ, բնականաբար, կիրառվեց համաներում: Նրանք դատարանի նույն որոշմամբ 1 տարով զրկվեցին պետական պաշտոններ զբաղեցնել, տեղական ինքնակառավարման մարմիններում ներգրավվել եւ աշխատել:
