«Առավոտի» դեկտեմբերի 10-ի համարում տեղ գտած «70 տարի նույն ֆակուլտետում» նյութի մեջ տեղ են գտել որոշ անճշտություններ: Տեսական քիմիայի ամբիոնի դոցենտ, քիմիական գիտությունների թեկնածու Գեորգ Սոլոյանը նշեց, որ այդ լուրիկի մեջ տեղ գտած եւ իրեն վերագրված խոսքերում վերջին նախադասությունը ներկայացված է աղավաղված: Նա ասել է միայն նախկին հնգամյա եւ այժմյան եռաստիճան կրթական համակարգերը միմյանց հետ համեմատելու անհնարինության մասին, ավելացնելով, որ ֆակուլտետում լավագույն ավանդույթները նույն ձեւով շարունակվում են առ այսօր:
