Բասկետբոլի Եվրագավաթի խաղարկության ընտրական փուլը Երեւանի «Հատիս» կանանց թիմը «F» խմբում եզրափակեց երկրորդ հորիզոնականով եւ անցավ 1/16 եզրափակիչ: «Փլեյ-օֆֆ» մրցաշարի մեկնարկային խաղը մեր աղջիկները կանցկացնեն 2010 թվականի հունվարի 7-ին: Այդ օրը գլխավոր մարզիչ Գիա Ղազանչյանի սաները սեփական հարկի տակ կհյուրընկալեն Ռուսաստանի Դաշնության մեկ այլ թիմի՝ Օրենբուրգի «Նադեժդային»: Նրանց պատասխան խաղը նշանակված է դրանից մեկ շաբաթ հետո:
