Գերմանիայի «BoxSport» հանդեսի՝ ընթերցողների շրջանում անցկացված հարցման արդյունքների ամփոփումով, այդ երկրի տարվա լավագույն բռնցքամարտիկ է ճանաչվել միջին քաշային կարգում IBF-ի վարկածով աշխարհի նախկին չեմպիոն Արթուր Աբրահամը: Արթուրը վաստակած ձայների քանակով գերազանցել է նաեւ Կլիչկո եղբայրներին: Նա այս տիտղոսին արժանանում է չորրորդ անգամ անընդմեջ, ցուցանիշ, որ Գերմանիայում դեռ ոչ մի բռնցքամարտիկ չի ունեցել:
Յուրատեսակ ռեկորդ է սահմանել նաեւ Աբրահամի մարզիչ Ուլի Վեգները: Մարզասերները նրան յոթերորդ անգամ անընդմեջ ընտրել են որպես «Գերմանիայի՝ տարվա մարզիչ»:
