Ինչպես տեղեկացնում է www.news.am-ը, Լեռնային Ղարաբաղի քաղաքաշինության նախարար Անահիտ Վարդանյանը հայտարարել է, որ գոհ է Ստեփանակերտի օդանավակայանի շինարարության տեմպերից: Օդանավակայանի կմախքն արդեն պատրաստ է, եւ 2010-ի հոկտեմբերին նախատեսվում է առաջին ինքնաթիռի վայրէջքը:
Շինարարությունն իրականացնող «Հորիզոն Թրեյդ» ընկերության տնօրեն Գագիկ Գալստյանի խոսքով, արդեն հաջորդ ամիս սկսվելու են ներքին հարդարման աշխատանքները: Գագիկ Գալստյանն ասել է, որ օգտագործվում են ժամանակակից շինարարական մեթոդներ, որակյալ, եվրոպական շինանյութ, խիստ վերահսկողություն է տարվում աշխատանքների նկատմամբ: «Օդանավակայանը պետք է լինի յուրահատուկ շինություն՝ գեղարվեստական լուծումներով»,- նկատել է Գալստյանը:
