Արգենտինահայ թենիսիստ Դավիթ Նալբանդյանը «gotennis.ru» կայքի տարածած տեղեկատվության համաձայն, հարկադրաբար դուրս է եկել Օքլենդում ընթացող «Heineken Open 2010» միջազգային հեղինակավոր մրցաշարից: Նույն աղբյուրը տեղեկացնում է նաեւ. «Ըստ Օքլենդի մրցաշարի տնօրեն Ռիչարդ Պալմերի, Նալբանդյանը որովայնի մկանի վնասվածք է ստացել, որից, սովորաբար, ապաքինվում են 10-15 օրում: Դատելով կատարվածից եւ Ավստրալիայի բաց առաջնության մեկնարկին մնացած ժամանակահատվածից, Նալբանդյանը, ամենայն հավանականությամբ, ստիպված կլինի բաց թողնել նաեւ այս առաջնությունը»:
