Բուրսայում անցկացված շախմատի աշխարհի թիմային առաջնության ավարտից անմիջապես հետո տեղեկացրել էինք, որ Հայաստանի հավաքականի առաջատարներ Լեւոն Արոնյանն ու Վլադիմիր Հակոբյանը իրենց խաղատախտակների առջեւ ցույց տված անհատական արդյունքներով նվաճել են, համապատասխանաբար, արծաթե եւ բրոնզե մեդալ: Սակայն կազմակերպիչների վերջնական հաշվարկներով պարզվել է, որ մեր գրոսմայստերներից եւս երկուսը նույնպես անհատական երրորդ արդյունք են ցույց տվել: Գաբրիել Սարգսյանը երրորդ խաղատախտակի առջեւ վեց հանդիպումներում ցույց է տվել 50 տոկոսանոց արդյունք (3,0 միավոր), իսկ չորրորդ խաղատախտակի առջեւ հանդես եկած Արման Փաշիկյանի 3,5 (6 հնարավորից) միավորը 58,3 տոկոսանոց ցուցանիշ է:
