![\"\"](\"https://www.aravot.am/2010/aravot_arm/January/22/p19.jpg\")
Էստոնիայի մայրաքաղաք Տալլինում ընթացող գեղասահքի Եվրոպայի առաջնությունում մեր երկրի միակ ներկայացուցիչը ամերիկաբնակ Պիեռ Բալյանն էր, որը նաեւ Հայաստանի քաղաքացիություն ունի:
27-ամյա մենասահորդը, որը մարզվում է Արի Զաքարյանի ղեկավարությամբ, տղամարդկանց մրցաշարի կարճ ծրագրի կատարումից հետո հայտավորված 38 մասնակիցների մեջ գրավեց վերջին տեղը (մեկ մարզիկ չմտավ սահադաշտ) եւ դուրս մնաց պայքարից: Կանոնակարգի համաձայն, եզրափակիչ փուլ անցնում են 1-20-րդ տեղերն զբաղեցնողները:
Մեկնաբանելով մարզիկի այս արդյունքը՝ երեկ մարզաձեւի ֆեդերացիայում մեզ ասացին, որ Պիեռ Բալյանի հետ նախապես հույսեր չեն կապել: Նա մրցավայր է գործուղվել միայն Հայաստանի մասնակցությունն ապահովելու նպատակով, ինչը գեղասահքի համաշխարհային ու եվրոպական ֆեդերացիաների համար շատ կարեւոր հանգամանք է:
