![\"\"](\"https://www.aravot.am/2010/aravot_arm/January/28/p20.jpg\")
Երեկ Կարեն Դեմիրճյանի անվան մարզահամերգային համալիրում մեկնարկեց բռնցքամարտի Հայաստանի առաջնությունը, որին մասնակցելու համար մայրաքաղաք է ժամանել հանրապետության տարբեր մարզերի ու քաղաքների 99 բռնցքամարտիկ:
Չնայած սիրողական բռնցքամարտում կատարված փոփոխություններին, որոնց արդյունքում տղամարդկանց պայքարում քաշային կարգերը պակասել են մեկով, այս առաջնությունն անցկացվում է հին կանոնակարգով՝ 11 քաշային կարգ: Նորամուծությունը Հայաստանում կկիրառվի այս տարվա աշնանից: Բռնցքամարտի ֆեդերացիայի մամուլի ծառայությունից երեկ մեզ տեղեկացրին, որ նախնական մրցումներում օրական նախատեսված է անցկացնել 20-ական մենամարտ: Եզրափակիչ մարտերը, մրցանակակիրների պարգեւատրումը եւ առաջնության փակման հանդիսավոր արարողությունը կկայանան հունվարի 31-ին:
